မိမိပိုင်ပစ္စည်းများတွင် ကပ်ထားနိုင်မည့် GPS စတစ်ကာများ ထုတ်လုပ်

၂၀၁၅ ဒီဇင်ဘာ ၂၉

ဒီ (၂၁) နည်းပညာ၊ ရဲရင့်တည်၊ ရတနာပုံနေ့ စဉ်။

မိမိပိုင်ပစ္စည်းများဖြစ်သော ပိုက်ဆံအိတ်၊ လက်ကိုင်အိတ်၊ စက်ဘီး၊ ဖုန်းဟန်းဆက် အစရှိသောအရာ များ ပျောက်ဆုံးလျှင် သို့မဟုတ် အထားမှားလျှင် အလွယ်တကူပြန်လည်ရှာဖွေတွေ့ရှိရန် အထောက် အကူပြုနိုင်မည့် GPS စတစ်ကာများကို ယူကေနိုင်ငံမှ အပျော်တမ်းနည်းပညာရှင်များက ထုတ်လုပ်ထားပြီး လူထုထောက်ပံ့ငွေဖြင့် ဆက်လက်ထုတ်လုပ်ရောင်းချနိုင်ရန် ကြိုးပမ်းလျက်ရှိကြောင်း သိရသည်။

အဆိုပါ GPS စတစ်ကာများကို Tracker Pad ဟု အမည်ပေးထားကြောင်း၊ အရွယ်အစားအားဖြင့် ဗြိတိသျှ ၁၀ ပဲနိတန် ငွေဒင်္ဂါးခန့်သာရှိကြောင်း၊ ဈေးကွက်တွင်ရှိနှင့်ပြီး GPS စနစ်သုံးနောက်ယောင်ခံကိရိယာများမှာ TrackR Bravo နှင့် The Tile တို့ ဖြစ်ကြောင်း၊ ယင်းတို့ နှစ်မျိုးလုံးက Tracker Pad ထက် အရွယ်အစားပို၍ ကြီးသဖြင့် ခြေရာခံစနစ်ကို လျှို့ ဝှက်ထည့်သွင်းလိုသူများမှာ ယင်းခြေရာခံကိရိယာများကို ဖွက်ထားရန် အခက် အခဲဖြစ်လေ့ ရှိသော်လည်း ဤ Tracker Pad သည်မူ အရွယ်အစားအားဖြင့် အသေးငယ်ဆုံးဖြစ်ကြောင်း သိရသည်။

ထို့ အပြင် TrackR Bravo နှင့် The Tile တို့ အတွက်ပြုလုပ်ထားသော ဗူးကလေးကို သတ္တုအမာစားဖြင့် ပြု လုပ်ထားကြောင်း၊ Tracker Pad ကိုမူ နူးညံ့ပျော့ပြောင်းသော အိတ်ကလေးထဲ ထည့် ထားကြောင်း၊ အလေးချိန်အားဖြင့် ၁ ဒသမ ၆ ဂရမ်သာရှိကြောင်း၊ ထို့ ကြောင့် ပစ္စည်းတစ်ခုခုတွင် ဖော်ပြပါ Tracker Pad ကို ကပ်ခွာစနစ်ဖြင့် ကပ်ထားလိုက်ရုံဖြင့် မိမိပစ္စည်း၏ တည်နေရာကို အလွယ်တကူ သိရှိနိုင်မည်ဖြစ်ကြောင်း သုတေသီများက ပြောသည်။

Tracker Pad တွင် SIM ကဒ် ထည့်သွင်းထားကြောင်း၊ Tracker Pad ဆာဗာနှင့်မပြတ် အချိတ်အဆက် ရနေမည် ဖြစ်ကြောင်း၊ ဆာဗာက Tracker Pad မှ ပေးပို့ သောသတင်းအချက်အလက်ကို ကာယကံရှင်၏ စမတ်ဖုန်းထဲသို့  ပို့ ပေးမည်ဖြစ်ကြောင်း သိရသည်။

Credit >>> Lashio News Diary