8 February 2013
ရှမ်းပြည်နယ်မြောက်ပိုင်းနမ့်ခမ်းမြို့ နယ်ပေါက်တိုက်ရပ်ကွက်တွင်ဖေဖ၀ါရီလ ၇ ရက်နေ့ည ၁၁ နာရီခွဲ
အချိန်ခန့်ကဓားခုတ်မှုဖြစ်ပွားရာလူတစ်ဦးသေဆုံးသွားကြောင်းသိရှိရပါသည်။
``ကျွန်တော်တို့အိမ်ရှေ့ မှာမနေ့ည ၁၁ နာရီခွဲလောက်ကဆိုင်ကယ်တစ်စီးနှင့်တရုတ်လူငယ်၂ယောက်
ရှမ်းပြည်နယ်နေ့ပွဲသွားတဲ့လူငယ်အဖွဲ့တစ်ဖွဲ့နောက်လိုက်သွားပြီးဓားနဲ့ခုတ်လိုက်တယ်။``ကယ်ပါဦး
ကျွန်တော်သေပြီ´´လို့အော်သံကြားတာနဲ့အနီးအနားကအိမ်တွေကလူတွေထွက်လာကြည့်တယ်သွေး
အိုင်ထဲမှလဲနေတဲ့လူငယ်တစ်ယောက်တွေ့ရတယ်။၂ယောက်ကဒဏ်ရာရသွားတယ်။တွေ့တွေ့ချင်းနီး
စပ်ရာကားခေါ်ပြီးဆေးရုံလိုက်ပို့ကြတယ်။သိပ်တော့မကြာဘူး။မြို့ မပြည်သူ့စစ်နဲ့လုံခြုံရေးရဲတွေအခင်း
ဖြစ်ပွားတဲ့နေရာကိုလာစစ်တာတွေ့ရတယ်´´ဟုပေါက်တိုက်ရပ်ကွက်မျက်မြင်တစ်ဦးကပြောသည်။
ဓားခုတ်ခံရပြီးနမ့်ခမ်းဆေးရုံ၌သေဆုံးသွားသူမှာပေါက်တိုက်ရပ်ကွက်နေဆိုင်းဆမ်နှင့်မနန်းဌေး၏သား
ဆိုင်းလိန်အသက်(၂၁)ဖြစ်ကြောင်း၊ဒဏ်ရာရသူ၂ယောက်မှာလည်း ပေါက်တိုက်ရပ်ကွက်မှလူငယ်
ဖြစ်ကြောင်း၎င်းကဆိုသည်။သူတို့အရင်တုန်းကရှမ်းပြည်နယ်နေ့ပွဲခင်းနားကနမ့်ခမ်းဖောင်တံတားထိပ်မှာ
ရန်ဖြစ်ခဲ့ဖူးတယ်လို့ပြောတယ်။ကျွန်တော်တို့နဲ့ပေါက်တင်မကအရံမီးသတ်ဖွဲ့ဝင်တွေကတောင်ဝင်ပြီး
ဖရှင်းပေးခဲ့သေးတယ်။အဲဒီမှာပြီးသွားပြီလို့ထင်တာ။အခဲမကျေသေးလို့အခုပြန်လာချတာလေ´´ဟု
မြို့မပြည်သူ့စစ်အဖွဲ့ဝင်ဦးစံခိုင်ကပြောကြားကြောင်းပေါက်တိုက်ရပ်ကွက်သူတစ်ဦးကပြောပြသည်။
အခင်းဖြစ်ပွားသောနေရာမှာပေါက်တိုက်ရပ်ကွက်ကစိုင်းလှရွှေဆယ်အိမ်မှူး၏အိမ်နောက်ဘက်လမ်း၊
လုံစိုင်းအေး၏အိမ်ရှေ့ တွင်ဖြစ်ပြီးဒဏ်ရာရရှိနေသောလူငယ်၂ဦးမှာလည်းတရုတ်ပြည်ဘက်ခြမ်းရွှေလီ
ဆေးရုံသို့ပို့ဆောင်ဆေးကုမှုခံယူကြောင်း၊ပြစ်မှုကျူးလွန်သူမှာအောင်မေတ္တာရပ်ကွက်နေတရုတ်လူမျိုး
ဖြစ်ကြောင်းရဲများအသိုင်းအ၀ိုင်းကဆိုပါသည်။
``ပွဲလုပ်တယ်ဆိုတာပွဲတာဝန်ရှိသူတွေကလုံခြုံရေးကိုအပြည့်အ၀ယူပေးရမယ်လေ။လုံခြုံရေးမပြည့်ဝလို့
အဲဒီလိုဖြစ်တာပေါ့။ညသန်းခေါင်ကြီးအရက်မူးတာလားဆေးကြောင်တာလားမသိဘဲလူငယ်တွေဆိုင်ကယ်
ပရမ်းပတာစီးလမ်းပေါ်အော်ဟစ်ဆူညံနေတာညတိုင်းဘဲ´´ဟုနမ့်ခမ်းဒေသခံပါ့နမ်းခမ်းကဆိုသည်။
ရဲအသိုင်းအ၀ိုင်းကသတ်ဖြတ်မှုလက်သည်တရုတ်၂ဦးအားဖမ်းမိပြီဟုဆိုသော်လည်းရှမ်းသံတော်ဆင့်
အနေဖြင့်သီးခြားအတည်ပြုချက်မရရှိသေးပါ။သေဆုံးသွားသောစိုင်းလိန်၏ရုပ်အလောင်းအားယနေ့
မွန်းလွဲ၂နာရီမှာအသုဘပို့ဆောင်သဂြိုလ်မှာဖြစ်ကြောင်းသိရပါသည်။
သျှမ်းသံတော်ဆင့်
No comments:
Post a Comment