30 Jan 2014
လားရှိုး မြို့မဈေးကြီး အတွင်း ခါးပိုက်နှိုက် အလစ်သုတ်များ ရှိလာသည့်အတွက် ဈေးသူဈေးသားများမှ
ဈေးဝယ် လာရောက်သူများအား သတိပေးမှုများ ပြုလုပ်လျက်ရှိသလို ဈေးကော်မတီနှင့် တာဝန်ကျ ရဲတပ်ဖွဲ့ များမှလည်း ဈေးအတွင်းလှည့်လည်သတိပေးကာ စောင့်ကြည့်မှုများ ပြုလုပ်နေရကြောင်း
ဈေးသူဈေးသား
များ
ထံမှစုံစမ်းသိရှိရသည်။
တရုတ်နှစ်သစ်ကူးပွဲတော်အကြိုရက်များအတွင်းလားရှိုးမြို့ပေါ်နှင့်အနီးပတ်ဝန်းကျင် ကျေးရွာများမှ
ဈေးလာရောက်ဝယ်ယူသူများအထူးများပြားလျက်ရှိရာငွေပျောက်ဆုံးမှုများမကြာခဏဖြစ်ပွား နေကြောင်း လားရှိုးဈေးအတွင်းရှိ ဆေးဆိုင်ပိုင်ရှင်တစ်ဦးက ပြောပြသည်။
" ရွာကလာပြီးပစ္စည်းဝယ်၊ ဈေးဝယ်တဲ့သူတွေရဲ့ ပိုက်ဆံအိတ်တွေ နှိုက်ခံရတာပိုများတယ်။ တချို့ဆိုရင် ပစ္စည်းမ၀ယ်ရသေးခင် ဖြစ်ပွား တာကြောင့် ဘာမှမ၀ယ်ရဘဲဒီအတိုင်း ပြန်သွားရတယ်။ ဆိုင်ကိုလာတဲ့ ဈေးဝယ်တွေကိုတော့ ရှမ်းစကား၊ တရုတ်စကားတွေနဲ့ သတိပေးနေရတယ် " ဟု လားရှိုးဒေသခံတစ်ဦးက ဆိုသည်။
တာဝန်ကျရဲအရာရှိတစ်ဦးက " ကျွန်တော်တို့ ဈေးဝယ်လာသူတွေ လုံခြုံမှုရှိစေဖို
့ ဈေးကော်မတီနဲ့ ပူးပေါင်းပြီး ဈေးအတွင်း လှည့်ကင်းဖြင့်ဆောင်ရွက်လျက်ရှိပါတယ်။ အထူးသဖြင့် ရွာမှဈေးဝယ်လာ သူတွေကို ပိုမိုသတိထား စောင့်ကြည့်ပေးဖို့ မှာထားပါတယ်။ မိုးကုတ်ဖြစ်စဉ်ရှိတာကြောင့် ဒီမှာရှိတဲ့ ရွှေဆိုင်တွေရဲ့ လုံခြုံရေးကိုလည်း ဆောင်ရွက်နေရပြီး ဈေးဝယ်လာသူ ပြည်သူများအနေနဲ့ အထူး သတိ ရှိကြရန် မှာကြားလိုပါတယ် " ဟု ပြောကြားခဲ့သည်။
ရှမ်းလေး (မန်းတက္ကသိုလ်)
No comments:
Post a Comment