27 Jan 2014
(၁) ဖလိုရိုဒ်ရဲ့ ကာကွယ်မှုကို ရရှိစေပါတယ်
ဖလိုရိုဒ်ဟာ သွားတိုက်ဆေးမှာ အဓိက ပါဝင်ပစ္စည်းဖြစ်ပြီး သွားတိုက်တာကြောင့် ဖလိုရိုဒ်ဟာ သွားအပေါ် ဖုံးအုပ်ထားသလိုဖြစ်ကာ သွားအတွက် အကာအကွယ် ရရှိနိုင်ပါတယ်။
(၂) ဘက်တီးရီးယားတွေကို တိုက်ထုတ်နိုင်ပါတယ်
ဘက်တီးရီးယားတွေဟာ သွားပေါ်မှာ ၂၄ နာရီကြာအောင် ရှိနေခဲ့ရင် ပွားများဖို့ လွယ်ကူ သွားနိုင်ပါတယ်။ ၁၂ နာရီသာ ရှိနေမယ် ဆိုရင် ဘက်တီးရီးယားတွေ ပွားများချိန် ထက်ဝက်ခန့် လျော့ကျ သွားနိုင်ပါတယ်။ ဘက်တီးရီးယားတွေ မပွားများ နိုင်အောင် တစ်နေ့နှစ်ကြိမ် သွားတိုက်တာ အပြင် သွားကြား ထိုးကြိုးနဲ့ Floss
လုပ်တာ၊ Antiseptic ခံတွင်း သန့်ရှင်း ရည်နဲ့ ပလုတ်ကျင်း တာပါ တွဲလုပ်နိုင်ရင် ပိုမို ထိရောက်မှု ရှိပါတယ်။
(၃) တံတွေး ပိုမို ထွက်ရှိလာနိုင်ပါတယ်
အိပ်ပျော် နေစဉ်မှာ ခံတွင်းထဲ တံတွေးထွက်ရှိမှု နည်းသွား ပါတယ်။ တံတွေးဟာအစာ၊ ဘက်တီးရီးယားနဲ့ သွားပိုးပေါက်ဖြစ်စေတဲ့ သွားချေးဖတ် တွေကို ဖြိုခွဲနိုင်ပါတယ်။ ညအိပ်ရာ မဝင်ခင် သွားတိုက်တာကြောင့် ပါးစပ်တွင်း စားကြွင်းစား ကျန်တွေနဲ့ ဘက်တီးရီးယား တွေကို ဖယ်ရှားပစ်လိုက်ပြီး သွားပိုးစားဒဏ်မှ ကာကွယ်နိုင်ပါတယ်။ သင်ဟာ အာခေါင် ခြောက်တတ်တဲ့ ဆေးဝါးတွေ အသုံးပြုနေရရင် တံတွေးများများ ထွက်အောင် သကြားမပါတဲ့ ပီကေဝါး ပေးပါ။ ရေများများ သောက်ပေးပါ။
(၄) သွားချိုးမဖြစ်အောင် ကာကွယ်နိုင်ပါတယ်
သွားချိုးတွေဟာ သွားဖုံးအပေါ်နဲ့ အောက်ဘက်မှာ ရှိတတ် ကြပါတယ်။ ဆီးချို ရောဂါရှိသူ၊ ဆေးလိပ် သောက်သူ၊ ကွမ်းစားသူ ဒါမှမဟုတ် မကြာခဏ အာခေါင် ခြောက်တတ်သူ တွေဟာ သွားချိုး ကပ်တတ်တာမို့ နေ့စဉ် သွားနှစ်ကြိမ်တိုက်ပေးပြီး ခံတွင်းသန့်ဆေးရည် အသုံးပြု သင့်ပါတယ်။
(၅) သွားဖုံးကို ကာကွယ်နိုင်ပါတယ်
သွားဖုံးမကောင်းရင် သွားဖုံးရောဂါ၊ သွားပြည်တည်နာနဲ့ သွားဆုံးရှုံးမှုတွေ ဖြစ်နိုင်တာမို့ သွားဖုံးရောဂါ မဖြစ်အောင် နေ့စဉ် တစ်နေ့နှစ်ကြိမ် သွားတိုက်ပြီး သွားကြားကြိုးထိုးတာ၊ ပလုတ်ကျင်းတာနဲ့ သွားဆရာဝန်နဲ့ ပုံမှန် Checkup လုပ်တာတွေ လုပ်ပေးပါ။
(၆) ခံတွင်းအနံ့ဆိုး မထွက်အောင် ကူညီနိုင်ပါတယ်
ခံတွင်းမှာ ကျန်ရှိနေတဲ့ ဘက်တီးရီးယားတွေဟာ ဖြိုခွဲရခက်ခဲပြီး သွားတွေ ပျက်စီးစေတဲ့ အတွက် အပုပ်အဆွေးနံ့တွေ ထွက်လာ တတ်ပါတယ်။ ဒါကြောင့် တစ်နေ့နှစ်ကြိမ် သွားတိုက်ရမယ့် အပြင် လျှာကိုပါ ပွတ်တိုကသင့်ပါတယ်။
ဒေါက်တာခင်မိုးမိုး
No comments:
Post a Comment