21 Feb 2014
(၆၆)နှစ်မြောက် ချင်းအမျိုးသားနေ့အထိမ်းအမှတ် ဧည့်ခံပွဲအခမ်းအနားကို ၂၀၁၄ ဖေဖော်ဝါရီ ၂၀ ရက် ညနေ ၆ နာရီတွင် နေပြည်တော်ရှိ မြန်မာ အပြည်ပြည်ဆိုင်ရာကွန်ဗင်းရှင်းဗဟိုဌာန (MICC) ၌ကျင်းပရာ ပြည်ထောင်စုလွှတ်တော်နာယကပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့်
အမျိုးသားလွှတ်တော် ဥက္ကဋ္ဌ ဦးခင်အောင်မြင့်တို့ တက်ရောက်အားပေးချီးမြှင့်သည်။
ရှေးဦးစွာ
ပြည်ထောင်စုလွှတ်တော် နာယကထံမှ
ပေးပို့သည့် (၆၆)နှစ်မြောက် ချင်းအမျိုးသားနေ့သဝဏ်လွှာကို အမျိုးသားလွှတ်တော်ရုံး ဒုတိယ ညွှန်ကြား ရေးမှူးချုပ် ဦးစိုးထက်က ဖတ်ကြားတင်ပြသည်။
ထို့နောက် မိုးလေ၀သနှင့် ဇလဗေဒညွှန်ကြားမှုဦးစီးဌာန ညွှန်ကြားရေးမှူးချုပ် ဒေါက်တာနိုင်တီယမ်းက ချင်း အမျိုးသားနေ့ ဖြစ်ပေါ်လာပုံ သမိုင်းအကျဉ်းကို ဖတ်ကြားတင်ပြသည်။
ဆက်လက်၍ ပြည်ထောင်စုလွှတ်တော်နာယက သူရဦးရွှေမန်းနှင့် အမျိုးသား လွှတ်တော်ဥက္ကဋ္ဌ ဦးခင်အောင်မြင့် တို့က နှုတ်ခွန်းဆက်အမှာ စကားပြောကြား ကြသည်။ ယင်းနောက် ပြည်သူ့လွှတ်တော် တရားဥပဒေစိုးမိုးရေးနှင့် တည်ငြိမ်အေး ချမ်းရေး ကော်မတီဥက္ကဋ္ဌ ဒေါ်အောင်ဆန်းစုကြည်က နှုတ်ခွန်း ဆက် အမှာစကား ပြောကြားသည်။
ထို့နောက် ပြည်သူ့လွှတ်တော် တရားစီရင်ရေး တိုင်ကြားစာနှင့် အသနားခံစာ များ စိစစ်ရေးကော်မတီ ဥက္ကဋ္ဌ သူရဦးအောင်ကိုက (၂၇)ကြိမ် မြောက် အရှေ့တောင်အာရှအားကစား ပြိုင်ပွဲတွင် မြားပစ်အားကစားဖြင့် ရွှေတံဆိပ်ဆု ရရှိခဲ့သော ချင်းတိုင်းရင်းသူ မအောင်ငှိမ်းအား ဂုဏ်ပြုမှတ်တမ်းလွှာ ပေးအပ် ချီးမြှင့်သည်။
ဆက်လက်၍ ပြည်သူ့လွှတ်တော် တရားဥပဒေစိုးမိုးရေးနှင့် တည်ငြိမ်အေး ချမ်းရေးကော်မတီ ဥက္ကဋ္ဌက ၂၀၁၃ ခုနှစ်အတွင်း ပါရဂူဘွဲ့ရရှိသော ချင်း တိုင်းရင်းသား/ တိုင်းရင်းသူများအား ဂုဏ်ပြုမှတ်တမ်းလွှာများကို ပေးအပ် ချီးမြှင့်သည်။
No comments:
Post a Comment